Siv ekki á förum úr Framsókn

Siv Friðleifsdóttir, þingmaður Framsóknarflokksins.
Siv Friðleifsdóttir, þingmaður Framsóknarflokksins. mbl.is/Ómar

„Nei nei,“ segir Siv Friðleifsdóttir, þingmaður Framsóknarflokksins, í samtali við mbl.is aðspurð hvort hún sé á leiðinni úr flokknum.

Eins og fram hefur komið hér á mbl.is ætlar Guðmundur Steingrímsson, þingmaður flokksins, að segja sig úr flokknum og sitja á þingi sem óháður þingmaður. Í framhaldinu verður skoðað með að stofna nýtt stjórnmálaafl.

Siv segir yfirlýsingu Guðmundar hafa komið sér á óvart. „Ég vissi að hann var óánægður og einhver hluti flokksmanna síðan á flokksþinginu en ég hélt að þetta hefði róast,“ segir Siv.

mbl.is