Vinstri-grænir líta til framtíðar
Setja bókamerki
Til stendur að ræða tillögur að ályktunum á flokksráðsfundi Vinstrihreyfingarinnar - græns framboðs sem nú stendur yfir á Hótel Loftleiðum. Katrín Jakobsdóttir, formaður flokksráðs, setti fundinn nú fyrir stundu.
Katrín sagði að nú þegar kjörtímabilið væri hálfnað væri rétti tíminn fyrir Vinstri-græna að skoða hvaða mál flokkurinn ætti að setja á oddinn síðari hluta kjörtímabilsins. Hingað til hefðu kraftarnir verið nýttir í rústabjörgun en nú væri tími til að líta til framtíðar.
Meðal þess sem rætt verður í kvöld er tillaga stjórnar Vinstri-grænna um stuðning við ríkisstjórnina. Þar segir m.a. að ótvíræður árangur hafi náðst í mörgum málaflokkum svo sem skattamálum, mannréttinda- og dómsmálum, umhverfismálum, menntamálum og málefnum Lánasjóðs íslenskra námsmanna. Nú þurfi flokkurinn að líta fram á veginn.
Í tillögu stjórnar Vinstri-grænna segir að flokksráðsfundurinn hvetji ríkisstjórnina til að ljúka vinnu við grundvallarbreytingar á fiskveiðistjórnunarkerfinu þar sem óumdeild yfirráð íslensku þjóðarinnar á nytjastofnun á Íslandsmiðum verði tryggð og meint eignarréttarlegt samband útgerða á nytjastofnum landsins verði rofið.
Þá vill stjórn flokksins leggja meiri áherslu á kvenfrelsismál og ljúka t.d. við innleiðingu kynjaðrar hagstjórnar. Hún vill einnig leggja áherslu á að ríkisstjórnin standi vörð um eign þjóðarinnar á orkuverum og orkuauðlindum.
Færa slökkviliðið til nútímans
Ofsóttur innan veggja Boeing
Sárt að horfa upp á illa meðferð fjármuna
Þrjú og hálft ár fyrir skotárás í Úlfarsárdal
29 nautgripir fundust dauðir
„Það er skiljanlegt að þolinmæði þeirra sé lítil“
Kveðst tala af virðingu: „Ég er enginn dóni“
Aðeins ein leið fær í Grindavíkurmálum