Stóra systir fylgist með þér!
Setja bókamerki
Neðanjarðarhreyfingin Stóra systir hefur afhent lögreglu lista með nöfnum 56 vændiskaupenda og 117 símanúmerum sem hreyfingin safnaði í rannsóknarvinnu sinni í undirheimum Reykjavíkur. Hreyfingin kynnti vinnu sína og kröfur á fjölmiðlafundi í Iðnó nú fyrir skömmu.
Á fundinum voru m.a. lesin samtöl karlmanna við ungar stúlkur þar sem rætt var um greiðslu fyrir kynlífsþjónustu. Eitt þeirra var á mili 15 ára stúlku og 48 ára karlmanns sem sagður er vera deildarstjóri hjá opinberri stofnun.
Stóra systir segir að þrátt fyrir að löggjöf Íslendinga í þessum málum sé almennt talin til fyrirmyndar grasseri hér vændi og þrífist með þegjandi samþykki.
Fer hreyfingin fram á að gripið verði til ýmissa aðgerða, t.d. að vefsíðunni einkamál.is verði lokað, hvers konar vændisauglýsingar í fjölmiðlum stöðvaðar og starfsemi síðustu klámbúllanna hætt.
Meðlimir hreyfingarinnar komu fram í Iðnó íklæddir búrkum og kjósa nafnleysi. Hyggst hreyfingin nýta sér það að vændiskaupendur óttast mest að upp um þá komist.
Íslendingar ein mest einmana þjóð heims
Baldur: „Ég ætla að svara þessu kalli“
Átta morðmál á aðeins tólf mánuðum
Áverkar bentu til manndráps
Myndskeið: „Fólk var komið ískyggilega nálægt“
Lögreglan ekki tekið afstöðu til kærunnar
Tæknideild komin norður vegna andlátsins
Segir nýtt frumvarp gefa eldisfyrirtækjum auðlindir