Neyðarlögin gilda
Setja bókamerki
Hæstiréttur hefur staðfest að neyðarlögin svokölluðu, sem kváðu á um forgang innstæðna í þrotabú fjármálastofnana, haldi gildi. Neyðarlögin voru sett í október 2008.
Samkvæmt þessu verður hægt að byrja að greiða tryggingarsjóðum breskra og hollenskra innistæðueigenda út úr þrotabúi Landsbankans vegna Icesave-reikninganna. Skilanefnd Landsbankans hefur boðað til blaðamannafundar klukkan 15 vegna málsins.
Í úrskurðum Héraðsdóms Reykjavíkur, sem Hæstiréttur hefur nú staðfest, kom fram að ekki hafi verið sýnt fram á, að neyðarlögin séu í andstöðu við íslensku stjórnarskrána, mannréttindasáttmála Evrópu eða EES-samninginn.
Héraðsdómur taldi, að með setningu neyðarlaganna svonefndu í október 2008 hafi verið stefnt að lögmætu markmiði, að forða ríkinu frá yfirvofandi greiðsluþroti og samfélaginu frá efnahagshruni.
„Mér finnst Halla Hrund svona Vigdísarleg“
Búið að bólusetja börn alla helgina
Sáttur við sína stöðu og finnur fyrir meðbyr
Biðst afsökunar með heilsíðuauglýsingu
Katrín: Jóhönnustjórnin talaði máli Íslands
Lögreglan rannsakar andlát konu í fjölbýlishúsi
Áköf mótmæli í bandarískum háskólum