Atvinnuleysi eykst
Setja bókamerki
Skráð atvinnuleysi í nóvember var 7,1%, en að meðaltali voru 11.348 atvinnulausir í nóvember. Í október var skráð atvinnuleysi 6,8% og fjölgaði atvinnulausum um 430 að meðaltali frá október eða um 0,3 prósentur að sögn Vinnumálastofnunar.
Stofnunin segir, að yfirleitt versni atvinnuástandið frá nóvember til desember, m.a. vegna árstíðasveiflu. Í desember 2010 var atvinnuleysi 8%, en 7,7 % í nóvember 2010. Vinnumálastofnun áætlar að atvinnuleysið í desember 2011 aukist lítils háttar og verði á bilinu 7,2 % ‐ 7,4%.
Körlum á atvinnuleysisskrá fjölgaði um 322 að meðaltali og konum um 108. Atvinnulausum fjölgaði um 168 á höfuðborgarsvæðinu en um 262 á landsbyggðinni. Atvinnuleysið var 7,9% á höfuðborgarsvæðinu en 5,7% á landsbyggðinni. Mest var það á Suðurnesjum 12,3%, en minnst á Norðurlandi vestra 2,6%. Atvinnuleysið var 6,9% meðal karla og 7,3% meðal kvenna.
Alls var 2021 erlendur ríkisborgari án atvinnu í lok nóvember, þar af 1.186 Pólverjar eða um 59% þeirra útlendinga sem voru á skrá í lok mánaðarins. Flestir atvinnulausra erlendra ríkisborgara voru starfandi í byggingariðnaði eða 405.
Fjöldi þeirra sem hafa verið atvinnulausir lengur en 6 mánuði er nú 6734 og fjölgar um 68 frá lokum október og eru um 55% þeirra sem eru á atvinnuleysisskrá í lok nóvember. Þeim sem verið hafa atvinnulausir í meira en eitt ár fjölgar úr 4491 í lok október í 4549 í lok nóvember.
Skýrsla Vinnumálastofnunar um atvinnuleysi
Kostnaður meiri en milljón á fermetra
Veiting hvalveiðileyfis ekki brot á EES-samningi
Skemmtiferðaskip hætt komið nærri Viðey
Skiptir miklu meira máli en fólk grunar
Banna mengandi búnað sem leyfður er á Íslandi
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar