Styður ekki samgönguáætlun

Kristján Möller, þingmaður Samfylkingar í Norðausturkjördæmi og fyrrverandi samgönguráðherra, styður ekki samgönguáætlun sem lögð var fyrir Alþingi. Kemur þetta fram í hádegisfréttum Ríkisútvarpsins.

Norðfjarðargöng eru ekki á dagskrá fyrr en á öðru tímabili langtímaáætlunar í samgöngumálum. Kristján segist ekki styðja samgönguáætlun sem feli það í sér að umferð verði áfram beint upp í Oddsskarð milli Eskifjarðar og Norðfjarðar. Reiknar hann með því að lagðar verði til breytingar á samgönguáætlun til að flýta jarðgangagerð.

,,Þetta er einn hættulegasti vegur yfir að fara og það er löngu búið að lofa nýjum göngum í staðinn fyrir Oddskarðsgöng sem eru stórhættuleg," segir Kristján, við RÚV.

Hann segir stórframkvæmdir á meginleiðum til og frá höfuðborgarsvæðinu fyrir allt að 40 milljarða króna, sem átti að fá að láni frá lífeyrissjóðum, nú taka fé frá öðrum framkvæmdum.

Kristján Möller, fyrrverandi samgönguráðherra. mbl.is/Kristinn Ingvarsson

• 3 blogg um fréttina

Bloggað um fréttina

• Camel: Þarf virkilega einhver að deyja í göngunum ?
• Torfi Kristján Stefánsson: Kjördæmapotari per exellens
• Gunnar Th. Gunnarsson: Síldarvinnslan á Neskaupsstað borgar í ríkissjóð andvirði gangnanna á framkvæmdatímanum