Stóra systir fullyrðir að vændi sé enn auglýst

„Því miður virðist samstarf lögreglunnar og þeirra miðla sem auglýsa vændi ekki hafa borið þann ávöxt sem vonast var eftir því um nokkurt skeið hafa auglýsingarnar verið daglegt brauð í Fréttablaðinu.“ Þetta fullyrða samtökin Stóra systir í opnu bréfi til fjölmiðla og lögreglunnar.

Í bréfinu segir að eftir umfjöllun og aðgerðir Stóru systur í haust um vændisauglýsingar hafi nuddauglýsingar sem birtar voru undir flokknum Þjónusta í smáauglýsingum Fréttablaðsins, hætt að birtast um tíma. „Bárust af því fréttir að lögreglan væri í samstarfi við þá sem stórtækastir voru í miðlun vændisauglýsinga um að koma í veg fyrir þær.“

Nú segja samtökin að vændisauglýsingarnar séu komnar aftur og því hafi þau tekið saman leiðbeiningar til að greina þær. Meðal annars má þekkja vændisauglýsingar á því að þegar kona hringir í auglýst númer sé ómögulegt að finna fyrir hana tíma.

• 2 blogg um fréttina

Bloggað um fréttina

• Heimir Lárusson Fjeldsted: Geta stöðvað auglýsingar, en ekki vændi
• Kristin stjórnmálasamtök: "Stóra systir" gegn óforskömmuðum vændisauglýsingum