Nýtt stjórnmálaafl undir forystu Lilju Mósesdóttur kynnir stefnumál sín í dag. Flokkurinn ber heitið Samstaða, flokkur lýðræðis og velferðar og er með listabókstafinn C. 

Samkvæmt heimildum mbl.is hefur stjórn flokksins verið skipuð, hún mun sitja fram að fyrsta landsfundi flokksins, en tímasetning hans hefur ekki verið endanlega ákveðin.

Formaður flokksins er Lilja Mósesdóttir alþingismaður, varaformenn eru Sigurður Þ. Ragnarsson jarð- og veðurfræðingur og Agnes Arnardóttir, atvinnurekandi á Akureyri.

Ritari er Ragný Þóra Guðjohnsen, bæjarfulltrúi í Garðabæ, gjaldkeri er María Grétarsdóttir bankastarfsmaður og meðstjórnendur Sigurjón Norberg Kærnested verkfræðingur og Kristbjörg Þórisdóttir sálfræðingur og fyrrverandi formaður Landssambands framsóknarkvenna.

Auður Hallgrímsdóttir atvinnurekandi er í varastjórn Samstöðu.

Flokkurinn var stofnaður í Borgarfirði 14. janúar síðastliðinn.

LIlja Mósesdóttir Kristinn Ingvarsson

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 4 blogg um fréttina

Bloggað um fréttina

• Óðinn Þórisson: Lilja Mósesdóttir mun sækja fylgið frá stjórnarflokkunum
• Sigurður Hlynur Snæbjörnsson: Mega stjórnmálaflokkar taka sér nöfn sem eru í notkun.
• Marinó G. Njálsson: Samstaða - flokkur lýðræðis og velferðar
• Torfi Kristján Stefánsson: Hægri flokkur!