Tæplega 250 nemendur fá nú styrk úr jöfnunarsjóði sveitarfélaga til að læra íslensku sem annað tungumál í tíu grunnskólum á Suðurnesjum.
Jafngildir það 7,9% af heildarfjölda nemenda í skólunum.
Í umfjöllun um þessi mál í Morgunblaðinu í dag segir, að talan segi ekki alla söguna því mun fleiri eiga annað móðurmál en íslensku. Dæmi er Gerðaskóli í Garði en þar áætluðu starfsmenn að svo væri ástatt um 46 nemendur. Til samanburðar fá 12 styrk úr jöfnunarsjóði á þessu skólaári.