Umgekkst vændiskonur í opinberum ferðum

Jón Baldvin Hannibalsson
Jón Baldvin Hannibalsson

Eitt bréfanna sem Jón Baldvin Hannibalsson sendi ungri systurdóttur eiginkonu sinnar var sent frá Tallinn í Eistlandi árið 2001. Þá var hann þar staddur í opinberum erindagjörðum sem heiðursræðumaður á hátíðarsamkomu, sem var skipulögð af upplýsingaskrifstofu Norræna ráðherraráðsins þar í landi. Hann lýsir þar samskiptum sínum við vændiskonur.

Í bréfinu, sem birtist að hluta til í nýjasta tölublaði Nýs lífs, lýsir Jón Baldvin samskiptum sínum við vændiskonur í borginni þá um nóttina og segist hafa átt í heimspekilegum samræðum við þær og að þær hafi trúað sér fyrir viðskiptaleyndarmálum: „Það er best að leggja lag sitt við kvænta, miðaldra karlmenn, sem fá það sjaldan hjá konum sínum.“

„Sú kátasta sagðist fá meira fyrir ein munnmök en sem barnfóstra á mánuði,“ skrifar Jón Baldvin og hvetur viðtakandann til að skrifa sér til baka og segja sér frá „lífi og losta“. Hann leggur áherslu á að hún merki bréfin „PRIVAT“.

mbl.is

Bloggað um fréttina