Aðalmeðferð í upphaflega olíusamráðsmálinu hófst í morgun við Héraðsdóm Reykjavíkur. Málið hefur verið  rekið fyrir dómstólum frá hausti 2005, en olíufélögin fara fram á að úrskurði Samkeppniseftirlitsins frá október 2004, um að olíufélögin þrjú hefðu gerst sek um verðsamráð verði hnekkt.

Samkeppniseftirlitið komst að þeirri niðurstöðu í október 2004 að olíufélögin þrjú hefðu gerst sek um verðsamráð á árunum 1993 til 2001. Félögin kærðu niðurstöðuna til áfrýjunarnefndar samkeppnismála sem lækkaði sektirnar og dæmdi olíufélögin til að greiða samtals 1.505 milljónir í sekt. Haustið 2005 höfðu olíufélögin ESSO (Ker), Olís og Skeljungur öll þingfest mál sín á hendur Samkeppniseftirlitinu þar sem gerð var sú krafa að úrskurður áfrýjunarnefndar samkeppnismála um samráð olíufélaganna yrði ógiltur eða sektir lækkaðar.

Heimir Örn Herbertsson lögmaður Samkeppniseftirlitsins gerir sig kláran. Morgunblaðið/Andri Karl

Tengdar fréttir

Samráð olíufélaganna

Olíumálinu vísað frá

• „Á þetta er ekki unnt að fallast“
• Nutu ekki andmælaréttar
• Ríkið greiði olíufélögum til baka
• „Ekki hægt að svindla meira“

» Fleiri tengdar fréttir

• Blogga um frétt