Ungur karlmaður, sem lögreglan á höfuðborgarsvæðinu lýsti eftir síðdegis vegna rannsóknar á tilraun til innbrots í skartgripaverslun í gærmorgun, hefur gefið sig fram.
Tveir aðrir ungir karlmenn hafa verið handteknir vegna málsins og voru í dag úrskurðaðir í gæsluvarðhald og er það gert á grundvelli rannsóknarhagsmuna.
Mennirnir þrír eru einnig grunaðir um rán í matvöruverslun nýlega þar sem starfsmanni verslunarinnar var ógnað með sprautunál. Ræningjarnir komust þá undan með fjármuni.
Sprengjan sprakk á fimmta tímanum í gærmorgun og ránið var framið liðlega klukkutíma síðar en málin tengjast.
Sprengjan sem límd var á rúðu skargripaverslunarinnar var heimatilbúin en ætlun þeirra sem að henni stóðu var að brjóta sér leið inn í verslunina. Það er mat lögreglu að með sprengjunni kunni hinir sömu að hafa skapað almannahættu.