„Mér finnst sú leið sem þarna er valin vera ómarkviss og tel að það sé hætta á að hún geti leitt til þess að niðurstöður verði mjög ruglingslegar og teygjanlegar í allar áttir.“
Þetta segir Birgir Ármannsson alþingismaður um tillögur meirihluta stjórnskipunar- og eftirlitsnefndar Alþingis um ráðgefandi þjóðaratkvæðagreiðslu um nýja stjórnarskrá samhliða forsetakosningum í sumar.
„Ég er mjög hissa á því hvað sjálfstæðismenn eru hræddir við að tala við fólkið í landinu. Ég sé ekki að það sé neitt ruglingslegt við þetta,“ segir Valgerður Bjarnadóttir, formaður nefndarinnar, í fréttaskýringu um mál þetta í Morgunblaðinu í dag.