Útséð um að klára málið
Setja bókamerki
„Nei, ég er nú hrædd um að það sé útséð um það,“ sagði Valgerður Bjarnadóttir, formaður stjórnskipunar- og eftirlitsnefndar Alþingis,aðspurð hvort hún telji að það takist að afgreiða þingsályktunartillögu um ráðgefandi þjóðaratkvæðagreiðslu samhliða forsetakosningum í sumar, nú í kvöld.
„Við þurfum að hugsa okkar gang. En við gefumst ekki upp. Við ætlum ekki að láta sjálfstæðismenn koma í veg fyrir það að við ráðgumst við þjóðina um nýja stjórnarskrá,“ sagði Valgerður í samtali við mbl.is frá Alþingi rétt í þessu, en þar fara umræður fram um málið og þegar fréttin er skrifuð eru 6 þingmenn á mælendaskrá auk Þorgerðar Katrínar Gunnarsdóttur sem stendur í ræðupúlti Alþingis.
Samkvæmt lögum um þjóðaratkvæðagreiðslur þarf Alþingi að taka ákvörðun um að þær skuli fara fram með þriggja mánaða fyrirvara. Forsetakosningar fara fram 30. júní í sumar og því verður Alþingi að ljúka málinu á næstu 40 mínútum til að það verði hægt. Það er því ljóst m.v. ummæli sitjandi forseta á Alþingi fyrr í kvöld þar sem fram kom að bara atkvæðagreiðslur gætu tekið þrjá klukkutíma og af orðum formanns nefndarinnar að ekki tekst að ljúka málinu með þessum lögbundna fresti.
Beint frá Kína
Eyjafjarðarbraut lokuð vegna umferðarslyss
Tapa fimm milljónum á dag
Vélsleðaslys: Þyrlan kölluð út á mesta forgangi
Verðbólgan komin niður í 6%
Veiting hvalveiðileyfis ekki brot á EES-samningi
„Okkur miðar í rétta átt“
Hernaðaraðstoð samþykkt – Vopnasendingar í vikunni