„Það er blindur maður sem ekki sér að fylgispektin við Samfylkinguna í ESB-málinu er hægt og bítandi að drepa VG. Samfylkingin sleppur betur því að svo á að heita að flokkurinn sé að framfylgja yfirlýstri stefnu sinni,“ segir Ragnar Arnalds, fyrrverandi fjármálaráðherra og áhrifamaður innan Vinstrihreyfingarinnar - græns framboðs, á vefsíðunni Vinstrivaktin gegn ESB í dag.

Ragnar segir að staða VG sé verri en Samfylkingarinnar enda starfi flokkurinn beinlínis í mótsögn við yfirlýsta stefnu sína. Slíkt framferði kunni kjósendur aldrei að meta.

„Forystumenn flokksins verða að horfast í augu við þá staðreynd að framtíð flokksins er í húfi ef þeir láta áfram reka á reiðanum með afar ótrúverðugri framgöngu í máli sem bersýnilega verður eitt helsta umræðuefni komandi kosninga,“ segir Ragnar.

Þá bendir hann á að mikill meirihluti þjóðarinnar sé andvígur aðild að ESB og það sama gildi um kjósendur VG „sem nú verður að slíta sig frá þessu steindauða máli áður en það dregur flokkinn með sér í gröfina.“

Pistill Ragnars Arnalds

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 6 blogg um fréttina

Bloggað um fréttina

• Eggert Guðmundsson: Forustumaður.
• Heimir Lárusson Fjeldsted: Útbreiðsluráð ESB brosir út undir eyru
• Páll Vilhjálmsson: VG tapar landsbyggðinni
• Njörður Helgason: VG á bakkanum?
• Torfi Kristján Stefánsson: "mikill meirihluti" kjósenda VG?
• Heimssýn: Vinstri grænir með Svarta Pétur