Íslenski geitastofninn er í útrýmingarhættu þar sem einungis eru til rúmlega 700 geitur á landinu.
Geitfjársetur verður opnað í Borgarfirði í júní þar sem geitinni verða gerð skil.
Í umfjöllun um þetta mál í Morgunblaðinu í dag segir, að þar á bæ sé lögð mikil áhersla á varðveislu stofnsins. Stjórnvöld eru gagnrýnd fyrir að sinna ekki skyldum sínum gagnvart stofninum í samræmi við Ríó-sáttmálann.