Steingrímur J. Sigfússon sjávarútvegsráðherra ræðir makríldeiluna og framhald veiða á fundi í London næstkomandi mánudag, 3. september.

Um ráðherrafund strandríkjanna er að ræða og auk Steingríms mæta til fundarins María Damanaki, sjávarútvegsstjóri Evrópusambandsins, Lisbeth Berg-Hansen, sjávarútvegsráðherra Noregs, og Jacob Vestergaard, sjávarútvegsráðherra Færeyja.

Í  Morgunblaðinu í dag kemur fram, að með ráðherra í för verða Sigurgeir Þorgeirsson ráðuneytisstjóri, Huginn Freyr Þorsteinsson, aðstoðarmaður ráðherra, og Benedikt Jónsson, sendiherra í London. Í samtali við Morgunblaðið í gær ítrekaði Sigurgeir fyrri ummæli þess efnis að niðurstöður rannsókna á göngum makríls í sumar hefðu styrkt samningsstöðu Íslands.

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir