„Okkar hlutverk núna er að leiðrétta vitleysur og ranghugmyndir sem menn hafa um stöðuna á Íslandi,“ segir Steingrímur J. Sigfússon um stöðu og hlutverk stjórnvalda í makríldeilunni.
Að sögn hans hefur verið sett saman samráðsteymi með fulltrúum úr atvinnuvega- og nýsköpunarráðuneyti og utanríkisráðuneyti sem hefur það hlutverk að meta lögfræðigögn og koma sjónarmiðum Íslands á framfæri.
„Oft á tíðum höfum við séð mjög einhliða og villandi málflutning frá þeim sem lengst ganga í umræðunni gegn okkur,“ segir Steingrímur í Morgunblaðinu í dag.