Ólafur flytur sjálfur málið gegn Lýð
Setja bókamerki
/frimg/6/74/674288.jpg)
Ólafur Þór Hauksson, sérstakur saksóknari, mun sjálfur flytja málið gegn Lýð Guðmundssyni, fyrrverandi stjórnarformanni Exista og Bjarnfreði H Ólafssyni lögmanni, en þeir eru ákærðir fyrir stórfellt brot á hlutafélagalögum.
Flest mál sem embætti sérstaks saksóknara hefur höfðað hafa verið flutt af saksóknurum sem starfa hjá embættinu, en Ólafur Þór ætlar sjálfur að fylgja þessu máli eftir í gegnum dómskerfið.
Málið verður þingfest í Héraðsdómi Reykjavíkur 11. október. Dómari í málinu er Arngrímur Ísberg héraðsdómari. Það hefur komið í hans hlut að dæma í nokkrum stórum málum sem mikið hefur verið fjallað um í fjölmiðlum, en þar má nafna Baugs-málið og Byr-Exeter-málið.
Í Exista-málinu eru Lýður og Bjarnfreður sakaðir um að hafa komið í veg fyrir að Kaupþing næði yfirráðum í félaginu með því að kaupa hluti í félaginu og þynna þannig út hlutafé annarra hluthafa. Í ákærunni segir að hlutafé upp á einn milljarð hafi hins vegar aldrei runnið inn í rekstur Existu. Tilkynning til hlutafjárskrár um hlutafjárkaupin hafi verið röng.
„Sárt að horfa upp á þetta“
Ráðherra um árshátíðina: „Hljómar frekar hátt“
„Ef það er einhver einn lærdómur...“
Íranar hafi vísvitandi gætt hófs
„Eins og ef Alþingishúsið brynni hér“
90 milljóna ferð austur: „Hrokinn yfirgengilegur“
Hafa náð tökum á eldinum
Gleymir seint deginum sem skriðurnar féllu