Íslendingar handteknir í Prag fyrir kókaínsmygl
Setja bókamerki
Tveir ungir Íslendingar hafa verið handteknir fyrir fíkniefnasmygl á Vaclav Havel-flugvellinum í Prag höfuðborg Tékklands samkvæmt fréttavefnum Idnes.cz. Fram kemur í fréttinni að átta kíló af kókaíni hafi verið falin í farangri þeirra en götuvirði þess í Tékklandi sé um 12 milljónir tékkneskra króna.
Ennfremur segir að um sé að ræða yngstu einstaklinga sem teknir hafi verið fyrir kókaínsmygl í Tékklandi en þeir munu hafa flogið til Prag frá Sao Paulo í Brasilíu með millilendingu í Munchen í Þýskalandi.
Haft er eftir Jiří Barták hjá tékknesku tollgæslunni að handtakan sé niðurstaða samvinnu á milli tékkneskra og þýskra yfirvalda. Málið er að öðru leyti í rannsókn.
Tæknideild komin norður vegna andlátsins
Mest spennandi kosningar í áratugi
Áverkar bentu til manndráps
„Þetta er pínu óvanaleg staða“
„Mér finnst Halla Hrund svona Vigdísarleg“
Átta morðmál á aðeins tólf mánuðum
Baldur: „Ég ætla að svara þessu kalli“