„Með ólíkindum að slíkt verði heimilt“

Embætti ríkislögreglustjóra leggst alfarið gegn því,  að heimilt verði að flytja inn, eiga, framleiða eða hafa í vörslum sínum eða versla með sjálfvirk og hálfsjálfvirk skotvopn. Undanþágur verði ekki veittar frá þessu.

„Það er með ólíkindum að slíkt verði heimilt á Íslandi sem [er] friðsælt ríki þótt einungis um heimildarákvæði sé að ræða,“ segir í umsögn embættisins við frumvarp innanríkisráðherra til nýrra vopnalaga.

Þá sé æskilegt að rýmka heimildir lögreglu til aðgangs að sölu- og birgðabókhaldi vegna efna sem nota má til sprengiefnagerðar.