Gunnar leiðir í Norðvesturkjördæmi

„Ég er gríðarlega ánægður með þetta. Mér líst vel á þennan lista; það er mikil eindrægni um hann líka. Nýtt og ferskt fólk þarna í bland við reynslubolta, þannig að þetta getur ekki verið betra,“ segir Gunnar Bragi Sveinsson, þingmaður Framsóknarflokksins, sem mun leiða lista flokksins í Norðvesturkjördæmi.

Hann segir að tillaga uppstillingarnefndar fyrir komandi Alþingiskosningar hafi verið samþykkt á aukakjördæmisþingi flokksins sem fram fór í Reykjum í Hrútafirði.

„Þetta var samþykkt einróma og engar athugasemdir við eitt eða neitt. Við förum bara út með hreint og gott umboð,“ segir Gunnar Bragi í samtali við mbl.is.

Listinn er eftirfarandi:

1. Gunnar Bragi Sveinsson, alþingismaður, Sauðárkróki
2. Ásmundur Einar Daðason, alþingismaður og bóndi, Lambeyrum
3. Elsa Lára Arnardóttir, kennari og varabæjarfulltrúi, Akranesi
4. Jóhanna M. Sigmundsdóttir, búfræðingur og nemi, Látrum Mjóafirði
5. Sigurður Páll Jónsson, útgerðarmaður, Stykkishólmi
6. Anna María Elíasdóttir, fulltrúi, Hvammstanga
7. Jón Árnason, skipstjóri, Patreksfirði
8. Halldór Logi Friðgeirsson, skipstjóri, Drangsnesi
9. Jenný Lind Egilsdóttir, snyrtifræðingur og varabæjarfulltrúi , Borgarnesi
10. Stefán Vagn Stefánsson, yfirlögregluþjónn og formaður byggðaráðs, Sauðárkróki
11. Anna Lísa Hilmarsdóttir, bóndi, Sleggjulæk, Borgarfirði
12. Svanlaug Guðnadóttir, hjúkrunarfræðingur, Ísafirði
13. Klara Sveinbjörnsdóttir, nemi, Hvannatúni, Borgarfirði
14. Magnús Pétursson, bóndi, Miðhúsum A-Húnavatnssýslu
15. Gauti Geirsson, nemi, Ísafirði
16. Magdalena Sigurðardóttir, húsmóðir og fyrrv. varaþingmaður, Ísafirði

Gunnar Bragi Sveinsson, þingmaður Framsóknarflokksins. mbl.is

• Blogga um frétt