Fá 11 þúsund fyrir á og 8.600 fyrir lamb
Setja bókamerki
Atvinnuvega- og nýsköpunarráðuneytið hefur staðfest úthlutunarreglur vegna aðstoðar Bjargráðasjóðs vegna tjóns af völdum óveðursins á Norðurlandi í september sl. Samkvæmt reglunum verða greiddar 11.000 krónur fyrir hverja á og hrút sem drápust og 8.600 krónur fyrir lamb.
Í reglunum kemur m.a. fram að sjóðurinn bætir fjárhagslegt tjón sem hlýst vegna viðgerða á girðingum (umfram hefðbundið viðhald), tjón á búfé og afurðum búfjár og fóðurkaupa vegna óvenjulegra aðstæðna af völdum veðursins. Óbeint tjón, m.a. rekstrartap, töf á framleiðslu eða afhendingu vöru og missir húsaleigutekna, fæst ekki bætt.
Héraðsráðunautar eða aðrir trúnaðarmenn Bjargráðasjóðs leggja mat á tjónið skv. reglum. Umsóknum á að skila á sérstöku eyðublaði til Bjargráðasjóðs fyrir 1. febrúar 2013. Tjón á girðingum verður hins vegar ekki gert upp fyrr en næsta sumar.
Áætlað er að 224 jarðir hafi orðið fyrir tjóni íi óveðrinu. Samkvæmt mati ráðunauta á Norðurlandi vantar 6.318 lömb og 3.105 ær á þessum bæjum og hafa þær skepnur ýmist fundist dauðar eða ekki heimst. Þá drápust 50 nautgripir og 132 kílómetrar af girðingum eru skemmdar, illa farnar eða ónýtar.
Íslenska ríkið dæmt brotlegt
Boðar 17 milljarða hagræðingu á næsta ári
Danir í áfalli yfir brunanum
Gleymir seint deginum sem skriðurnar féllu
„Sárt að horfa upp á þetta“
Byggingarheimildir verði tímabundnar
„Ef það er einhver einn lærdómur...“