Stjórn Bergmáls hefur sent frá sér tilkynningu þar sem þolendur Karls Vignis Þorsteinssonar og aðstandendur þeirra eru beðnir innilega afsökunar á þeim mistökum að hafa trúað og treyst þessum manni til starfa fyrir líknarfélagið.

„Tilgangur Bergmáls er að hlynna að krabbameinssjúkum, blindum og langveikum.
 
Karl Vignir Þorsteinsson starfaði sem sjálfboðaliði fyrir félagið og er okkur mjög brugðið að heyra lýsingar á afbrotum hans sem fram hafa komið í Kastljósi síðustu daga.
 
Ljóst er að góðleg framkoma hans blekkti okkur og að við, samstarfsmenn hans, réttarkerfið og samfélagið í heild, brugðumst þolendum ofbeldis hans og fjölskyldum þeirra.
 
Bergmál hefur aldrei komið að barnastarfi.
 
Þykir okkur, sem helgað höfum líf okkar góðgerðarmálum, afar hryggilegt að slíkur maður hafi starfað innan okkar vébanda til ársins 2007.
 
Fyrir hönd Bergmáls viljum við biðja þolendur Karls Vignis Þorsteinssonar og aðstandendur þeirra innilega afsökunar á þeim mistökum að hafa trúað og treyst þessum manni til starfa fyrir líknarfélag okkar,“ segir í tilkynningu sem stjórn Bergmáls hefur sent frá sér.

Tengdar fréttir

Karl Vignir Þorsteinsson og kynferðisbrot hans

19 kynferðisbrot á höfuðborgarsvæðinu

• Dómur staðfestur yfir Karli Vigni
• Karl Vignir fyrir dómi
• Karl Vignir ákærður
• Rannsókn á máli Karls Vignis lokið

» Fleiri tengdar fréttir

• 1 blogg um fréttina

Bloggað um fréttina

• Viggó Jörgensson: Afsökunarbeiðnin er ekki tekin til greina.