Héraðsdómur Reykjavíkur hefur orðið við kröfu lögreglunnar á höfuðborgarsvæðinu um að Karl Vignir Þorsteinsson verði áfram í gæsluvarðhaldi. Hann var nú síðdegis úrskurðaður í fjögurra vikna síbrotagæslu.
Björgvin Björgvinsson, yfirmaður kynferðisbrotadeildar lögreglunnar, segir að Karl Vignir unir úrskurðinum. „Þetta er síbrotagæsla,“ bætir Björgvin við.
Hann hefur verið í haldi lögreglu frá 8. janúar en 9. janúar var Karl Vignir úrskurðaður í tveggja vikna gæsluvarðhald á grundvelli rannsóknarhagsmuna en hann er sakaður um fjölmörg kynferðisbrot sem teygja sig marga áratugi aftur í tímann.