VG vill ljúka ESB viðræðum
Setja bókamerki
Samþykkt var á landsfundi Vinstri hreyfingarinnar - græns framboðs í dag að ljúka samningaviðræðum við Evrópusambandið en ekki beita sér fyrir því að setja áframhald aðildarviðræðna í þjóðaratkvæðagreiðslu.
Þetta var niðurstaða í skriflegri atkvæðagreiðslu á landsfundinum nú fyrir stundu.
Breytingatillagan sem samþykkt var hljóðaði svo: „Landsfundur VG telur að Íslandi sé best borgið utan ESB en vill ljúka aðildarviðræðum við ESB og setja ferlinu tímamörk, t.d. 1 ár frá kosningum. Þjóðin kjósi síðan um niðurstöður aðildarviðræðna. VG mun ennfremur beita sér fyrir því að tryggðar verði breytingar á stjórnarskrá þannig að þjóðaratkvæðagreiðslan um ESB verði bindandi en ekki aðeins ráðgefandi.“
156 gáfu atkvæði og þau féllu á þann hátt að 83 samþykktu breytingatillöguna en 72 studdu tillögu um að setja framhald aðildarviðræðna í þjóðaratkvæðagreiðslu.
Þrjú og hálft ár fyrir skotárás í Úlfarsárdal
Hafa samþykkt kaup fyrir um 9,2 milljarða
„Tíminn er runninn út fyrir Kristján Loftsson“
„Það er skiljanlegt að þolinmæði þeirra sé lítil“
Ofsóttur innan veggja Boeing
„Menn eru bara búnir að forgangsraða“
Stóraukið fé til samgöngusáttmála