Lögreglan á höfuðborgarsvæðinu biður fólk að halda sig heima þar til veðri slotar þar sem ekkert ferðaveður er á svæðinu. Skyggni ekkert og allt meira og minna stopp í borginni.

Suðurlandsvegur er lokaður við Olís í Norðlingaholti, verið er að skoða lokanir á Vesturlandsvegi við Þingvallaveg.

Strætó hefur hætt akstri í austasta hluta höfuðborgarsvæðisins en samkvæmt upplýsingum frá farþegum sem hafa setið fastir í strætóum í Ártúnsbrekkunni er verið að snúa strætisvögnum þar við þar sem ekki er mögulegt að komast lengra.

Vegna slæmrar færðar og veðurs má búast við miklum seinkunum á öllum leiðum strætó á höfuðborgarsvæðinu í dag.

Vatnsendahverfið er ófært eins og stendur. Vallahverfið í Hafnarfirði er ófært sem stendur. Norðlingaholt er ófært sem stendur. Mosfellsbær er ófær sem stendur. Grafarholt er ófært sem stendur. Grafarvogur er ófær sem stendur og Árbæjarhverfið.

Tengdar fréttir

Óveður í marsbyrjun

Óveðrið kostaði 15 milljónir

• Tjón skiptir hundruðum milljóna
• Kortleggja á vandann hjá bændum
• Brjálæðisleg þjónustulund verðlaunuð
• Fara yfir aðgerðir og fínstilla skipulag

» Fleiri tengdar fréttir

• Blogga um frétt