Óþekkt gögn um Ísland í Páfagarði?

Þorsteinn Kári Bjarnason, yfirmaður Bókasafns Vestmannaeyja, telur mjög líklegt að hægt sé að finna merkileg gögn um sögu Íslands í skjalasafni Páfagarðs.

„Í skjalasafninu gætu verið leynileg gögn frá Íslandi sem send voru beint til páfa,“ segir Þorsteinn Kári, í umfjöllun um mál þetta í Morgunblaðinu í dag.

Hann er viss um að fengist fé til að senda íslenskan fræðimann til dvalar í Róm til að rannsaka málið myndi kaþólska kirkjan á Íslandi reyna að greiða götu hans.