Forsetinn hreifst af Sigmundi

Quest ræðir við Ólaf Ragnar.
Quest ræðir við Ólaf Ragnar. Mynd/London Business School

Ólafur Ragnar Grímsson, forseti Íslands, fól Sigmundi Davíð Gunnlaugssyni, formanni Framsóknarflokksins, að mynda ríkisstjórn vegna athyglisverðra hugmynda hans um baráttu gegn vogunarsjóðum í þágu heimilanna. Þetta upplýsti forsetinn á málþingi í Lundúnum í dag.

Forsetinn sat fyrir svörum á fjölsóttu málþingi bandarísku sjónvarpsstöðvarinnar CNN og London Business School, eins helsta viðskiptaháskóla heims, í Lundúnum.

„Ég valdi leiðtoga Framsóknarflokksins en hann lagði í kosningabaráttunni sinni mesta áherslu á að takast á við húsnæðisskuldir heimilanna og beita þá vogunarsjóði, eða hvað sem þú vilt kalla þá, þrýstingi svo þeir næðu ekki fram þeim gríðarlega hagnaði sem þeir hugðust ná fram á íslensku bankakreppunni. Það var mjög athyglisverður lýðræðislegur sigur og þess vegna veitti ég honum umboð til að leiða næstu ríkisstjórn og ég held að honum sé að takast það,“ sagði Ólafur Ragnar í lauslegri þýðingu í samtali við Richard Quest, blaðamann CNN.

Ólafur Ragnar skaut föstum skotum að Gordon Brown, forsætisráðherra Bretlands og leiðtoga Verkamannaflokksins 2007-2010.

Brown hefði í Icesave-deilunni beitt Íslendinga „margbrotnustu fjárkúgunarleiðinni sem hann hefði orðið vitni að á hæstu valdaþrepum á síðari tímum“ [e. most elaborate high level financial blackmail I have ever witnessed in recent history] “ í gegnum Alþjóðagjaldeyrissjóðinn.

Fór þá kliður um salinn. 

Bretar hótuðu að stöðva samstarf Íslands og AGS

Rifjaði Ólafur Ragnar upp að Bretar hefðu stillt málinu þannig upp að ef íslenskur almenningur borgaði ekki Icesave-skuldina myndi samstarfið við AGS vera stöðvað. Sú afstaða Browns hefði verið efnahagslega og lýðræðislega röng og jafnframt lagalega röng, líkt og dómur EFTA-dómstólsins í janúar vitnaði um. Það hefði engu að síður verið afstaða sem allar ríkisstjórnir í ESB studdu á þeim tíma.

Evrópskir stjórnmálamenn ættu að velta þessu fyrir sér í baráttunni við evrukreppuna.

Forsetinn sagðist hafa verið meira en reiður í garð Browns og rifjaði upp beitingu bresku ríkisstjórnarinnar á hryðjuverkalögum gegn Íslendingum. Það hefði valdið íslenskum fyrirtækjum miklum skaða.

AGS lærði meira af Íslandi en öfugt

Forsetinn fór yfir vítt svið í umræðu um efnahagshrunið á Íslandi og sagði meðal annars að Alþjóðagjaldeyrissjóðurinn, AGS, hefði líklega lært meira af samstarfinu við Íslendinga en öfugt, og vísaði þar til áherslu fráfarandi ríkisstjórnar á að vernda kjör þeirra sem lakast standa.

Aðspurður um þá ákvörðun íslenskra stjórnvalda að láta Kaupþing, Landsbankann og Glitni fara í þrot haustið 2008 minnti Ólafur Ragnar á að um 80% af starfsemi bankanna hefði verið erlendis.

Írar hefðu átt að gera eins og Íslendingar

Sú ákvörðun hefði gengið gegn almennum viðhorfum á þeim tíma. Írar hefðu farið gagnstæða leið. Spurð Quest þá hvort Írar hefðu í þessu efni átt að gera eins og Íslendingar.

„Ég satt að segja skil ekki hvers vegna bankar eru álitnir hinar heilögu kirkjur [e. holy churches] nútíma hagkerfis og hvers vegna einkabankar geta ekki farið í þrot, líkt og venjuleg fyrirtæki,“ sagði Ólafur Ragnar. 

„En við meðhöndlum þá eins og þeir séu á einhvern hátt fyrirbæri sem njóti forréttinda í hagkerfum okkar.“

Quest spurði hvort að það myndi ekki leiða til dómínóáhrifa í evrópsku bankakerfi ef gjaldþrotaleið Íslendinga yrði farin þar. „Sú er kenningin en hún hefur ekki verið sönnuð,“ sagði Ólafur Ragnar þá. 

Klöppuðu þá nokkrir í salnum.

Ólafur Ragnar rifjaði því næst upp að Bretar og Hollendingar hefðu notið stuðnings ESB-ríkjanna í Icesave-deilunni. Þar hefði þeim rökum verið teflt fram að ef íslenska ríkið tæki ekki á sig skuldbindingar einkabanka myndi bankakerfið allt hrynja.

„Ég fellst ekki á þau rök,“ sagði forsetinn sem taldi að þótt Ísland væri lítið ríki væri það engu að síður með nútímalegt hagkerfi sem væri sambærilegt við evrópsk hagkerfi. Evrópa gæti því horft til reynslu Íslendinga.

Samræður þeirra Ólafs Ragnars má sjá sér en til þess þarf að gefa upp netfang og nafn. Smella þarf á „webcast“.

mbl.is

Innlent »

„Fullkominn misskilningur“

11:17 „Það er fullkominn misskilningur að um sé að ræða einhvers konar hagræðingaraðgerð eða viðbrögð við nýrri þjóðhagsspá,“ segir Bjarni Benediktsson fjármálaráðherra í samtali við mbl.is um fréttir af því að dregið verði úr hækkun framlags til öryrkja, úr fjórum milljörðum í 2,9 milljarða. Meira »

Allt að 12 stiga hiti um helgina

10:41 Talsverð hlýindi eru í kortunum en síðdegis á föstudag fara hitatölur hækkandi um allt land. Spár gera ráð fyrir allt að 12 stiga hita um helgina en veðrið verður best á norðausturhluta landsins. Meira »

Furða sig á samráðsleysi

10:11 Félagar í Sviðslistasambandi Íslands gera alvarlegar athugasemdir við frumvarpsdrög mennta- og menningarmálaráðherra að lögum um sviðslistir. Meira »

Valka með samning upp á 1,3 milljarða

10:05 Fyrirtækið Valka hefur samið við Murman Seafood um hönnun og uppsetningu á nýrri hátæknifiskvinnslu í borginni Kola í Murmansk í Rússlandi. Er fiskvinnslan sú fyrsta sinnar tegundar í landinu og verður tæknilegasta bolfiskvinnslan í Rússlandi að uppsetningu lokinni. Meira »

Reynt að minnka framúrkeyrslu í S-Mjódd

08:35 Heildarkostnaður við uppbyggingu íþróttamannvirkja á svæði ÍR í Suður-Mjódd er að óbreyttu áætlaður um 2.333 milljónir króna á verðlagi í október 2018. Er það hækkun kostnaðaráætlunar upp á 314 milljónir króna. Meira »

ÍAV lægstir í breikkun Suðurlandsvegar

07:57 Íslenskir aðalverktakar eiga lægsta tilboð í fyrsta áfanga breikkunar og lagningu nýs Suðurlandsvegar á milli Hveragerðis og Selfoss. Tilboð fyrirtækisins hljóðar upp á 1.361 milljón kr. sem er 111 milljónum kr. yfir áætlun Vegagerðarinnar. Tilboðið var tæplega 9% yfir áætlun. Meira »

Guðni stefnir á flug milli lands og Eyja

07:37 Sveitarstjórn Rangárþings eystra hefur lagt til breytingu á aðalskipulagi sveitarfélagsins til að hægt sé að koma upp flugbraut á bænum Guðnastöðum í Landeyjum. Tillaga þessi er í umsagnarferli fram að jólum. Meira »

Slydda og snjókoma á morgun

07:03 Spáð er austan- og norðaustangolu eða -kalda í dag. Víða verður dálítil rigning eða slydda en þurrt að kalla vestanlands. Hiti 0 til 5 stig. Meira »

Olli slysi í vímu

05:49 Ökumaður sem var undir áhrifum vímuefna ók yfir á rauðu ljósi á Höfðabakkabrú í nótt með þeim afleiðingum að hann lenti í árekstri við aðra bifreið. Báðir ökumennirnir voru fluttir á Landspítalann til aðhlynningar eftir slysið. Meira »

Byggingarréttargjald þungur baggi

05:30 „Mér finnst þetta í raun vera ákall til borgarinnar. Það er hins vegar ekki brugðist við því, gefið í skyn að þetta sé villandi og ég fæ ekki betur séð en að þessu bréfi sé enn ósvarað,“ segir Eyþór Laxdal Arnalds, oddviti Sjálfstæðisflokksins, við Morgunblaðið. Meira »

Fleiri erlendir ríkisborgarar við vinnu

05:30 Atvinnulausum fjölgaði um 769 í október, miðað við sama mánuð á síðasta ári. Á sama tíma fjölgar atvinnuleyfum sem Vinnumálastofnun veitir erlendum ríkisborgurum. Meira »

Birta samninginn við Arion banka

05:30 Stjórn Frjálsa lífeyrissjóðsins hefur ákveðið að birta í heild sinni á vef sjóðsins samning við Arion banka um rekstur og eignastýringu. Meira »

Mikil fjölgun dauðsfalla ungra

05:30 „Það er erfitt að horfa upp á þessa aukningu,“ segir Valgerður Rúnarsdóttir, yfirlæknir á Vogi, en dauðsföllum hjá yngri sjúklingum hefur fjölgað mikið síðustu misseri. Meira »

Borga fyrst, borða svo

05:30 Jólahlaðborð byrja á veitingahúsunum VOX og Satt um næstu helgi og helgina þar á eftir koma jólamatseðlar á veitingahúsunum Geira Smart og Slippbarnum. Meira »

Vilja hafna þriðja orkupakka ESB

Í gær, 23:06 Kjördæmisþing framsóknarmanna í Reykjavík telur að ástæða sé til að að hafna þriðja orkupakka ESB og að leita þurfi allra leiða til að verja íslenskan landbúnað fyrir hættum sem stafa af óheftum innflutningi. Meira »

Hringsólaði í klukkutíma

Í gær, 21:53 Farþegaþotu Icelandair sem var á leiðinni til San Francisco í Bandaríkjum var snúið við skömmu eftir að hún tók á loft frá Keflavíkurflugvelli síðdegis vegna bilunar í hreyfli. Meira »

Opna nýjan sjávarklasa í Seattle

Í gær, 21:45 Nýr systurklasi Sjávarklasans verður formlega stofnaður í húsakynnum Marel í Seattle á morgun. Í forsvari fyrir klasann verður Lára Hrönn Pétursdóttir sjávarútvegsfræðingur sem hefur meðal annars gegnt störfum skipstjóra, stýrimanns og háseta. Meira »

Milljónir séð auglýsingu fyrir au-pair

Í gær, 21:37 María og Jesper eru búsett á Eskifirði og eiga sex ára tvíbura. Þau hafa tvisvar verið með au-pair, en eftir að hafa auglýst eftir danskri au-pair á Facebook hefur þeim borist á sjöunda tug umsókna og hefur auglýsingunni verið deilt yfir 7.500 sinnum. Meira »

Fjórir skiptu með sér 45 milljónum

Í gær, 20:43 Fjórir heppnir miðaeigendur skiptu með sér 45 milljóna króna fyrsta vinningi í nóvemberútdrætti Happdrættis Háskólans en dregið var í kvöld. Meira »
Mergur málsins
Óska eftir að kaupa bókina Megur málsins eftir Jón G. Friðjónsson. Útg. Örn og ...
RAFVIRKI
ALHLIÐA RAFLAGNIR EKKERT VERKEFNI ER OF SMÁTT Haukur Emilsson Simi 853 1199...
Snjómokstur og Söltun GÍH
Vetrarþjónusta allan sólarhringinn. Vöktun í boði fyrir fyrirtæki og húsfélög. H...
Sumarhús/Gesthús
Mjög vandað sumarhús/Gesthús til sölu, algjörlega viðhaldsfrítt, klætt með lerki...