Þyrla Landhelgisgæslunnar lenti á Landspítalanum í Fossvogi um þrjúleytið með einstakling sem slasaðist í mótorhjólaslysi austan við Kirkjubæjarklaustur samkvæmt upplýsingum frá Gæslunni.
Óskað var eftir aðstoð þyrlunnar sem fór til móts við sjúkrabifreið og tók við sjúklingnum og flutti hann til Reykjavíkur. Ekki fengust upplýsingar um tildrög slyssins eða hversu alvarlega slasaður sjúklingurinn er.