„Það hefur ekkert verið tekin nein ný ákvörðun um það hvort húsnæðið verður tekið í notkun eða ekki.“
Þetta segir Kristján Þór Júlíusson heilbrigðisráðherra í samtali við mbl.is, spurður að því hvort til standi að nýta húsnæði St. Jósefsspítala í Hafnarfirði fyrir heilbrigðisþjónustu á ný, en starfsemi þar var hætt í tíð fyrri ríkisstjórnar.
Kristján segir ennfremur að það hvort húsnæðið verði tekið í notkun á ný eða ekki verði tekið til skoðunar síðar meir.