Hrossakjötsmálið í Evrópu hefur bein áhrif á hrossarækt á Íslandi. Markaður í Austur-Evrópu lokaðist og verðið féll. Sláturleyfishafar leita nýrra markaða til að geta slátrað hrossum áfram.

Markaður fyrir kjöt af fullorðnum hrossum var líflegur í Austur-Evrópu, sérstaklega í Rússlandi, og Íslendingar fengu hærra verð fyrir kjötið þar en annars staðar. Þegar í ljós kom að framleiðendur í Evrópu notuðu hrossakjöt í nautakjötsrétti og fleiri óskyldar afurðir urðu kaupendur hrossakjöts fyrir álitshnekki.

Ágúst Andrésson, forstöðumaður kjötafurðastöðvar KS á Sauðárkróki, segir að einstaka viðskiptavinur hafi alveg hætt að kaupa hrossakjöt þegar málið kom upp en aðrir haldið áfram. „Það er greinilegt að eitthvað af kjötinu okkar hefur farið í nautakjöt,“ segir Kristinn Guðnason, formaður Félags hrossabænda, og bendir á að það geti ekki verið tilviljun að ákveðnir kaupendur hafi gengið úr skaftinu þegar hrossakjötshneykslið varð opinbert.

Hrossakjötsútflutningur hefur margfaldast síðustu ár vegna aukinnar eftirspurnar í Rússlandi. Var svo komið á tímabili að sláturleyfishafar áttu erfitt með að fá nógu mörg hross til að anna eftirspurn.

Tengdar fréttir

Hrossakjötshneyksli

Neitar að hafa vitað að nautið var hross

• 65 handteknir vegna hrossakjötshneykslis
• Hrossakjötssmyglarar ákærðir
• Upprættu umfangsmikið smygl á hrossakjöti
• Bökurnar rannsakaðar upp til agna

» Fleiri tengdar fréttir