Forseti þýska sambandsþingsins, Norbert Lammert, telur margt benda til þess að Evrópusambandið eigi eftir að skiptast í tvennt í framtíðinni þar sem hluti ríkjanna sem mynda sambandið í dag haldi áfram að auka samstarf sín á milli án þátttöku hinna ríkjanna.

Þetta er haft eftir Lammert á heimasíðu íslenska forsetaembættisins þar sem fjallað er um fund Ólafs Ragnars Grímssonar, forseta Íslands, með þýska þingforsetanum sem fram fór í gær en Ólafur er nú í opinberri heimsókn í Þýskalandi í boði Joachims Gauck, forseta landsins.

Ennfremur kemur fram að á fundinum hafi Ólafur og Lammert rætt um margþætt og traust tengsl landanna, mikilvægi norðurslóða sem og hvernig tækniþekking Íslendinga við nýtingu jarðhita getur nýst víða í Evrópu.

Fundinn sat einnig Gunnar Bragi Sveinsson utanríkisráðherra, sem og embættismenn frá utanríkisráðuneytinu, og gerði hann grein fyrir afstöðu nýrrar ríkisstjórnar til viðræðna um inngöngu í Evrópusambandið. Fram kemur að Lammert hafi lýst skilningi á þeirri afstöðu ríkisstjórnarinnar.

Frétt á heimasíðu forsetaembættisins

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 5 blogg um fréttina

Bloggað um fréttina

• Heimssýn: Forystumenn ESB segja það vera að liðast í tvennt
• Páll Vilhjálmsson: ESB er tvískipt; evru-svæðið og tíu ríki þar utan
• Óðinn Þórisson: Samfylkingin barist mest gegn því að þjóðin komi að ESB …
• Jóhann Elíasson: EKKI BARA TVENNT HELDUR ALLAVEGA Í ÞRJÁ HLUTA EÐA JAFNVEL …
• P.Valdimar Guðjónsson: Meiri skilningur en hjá sumum.