Innlent | mbl | 29.6.2013 | 18:37

Ætla að leggja niður landsdóm

Geir H. Haarde, fyrrverandi forsætisráðherra, við réttarhöld landsdómsmálsins í Þjóðmenningarhúsinu á síðasta ári. mbl.is/Rax

Ríkisstjórnin ætlar að setja af stað vinnu sem miðar að því að breyta lögum og leggja niður landsdóm. Er þetta m.a. gert í kjölfar ályktunar Evrópuráðsþingsins. Þetta kom fram í fréttum Stöðvar 2.

Bjarni Benediktsson sagði að um mikla réttarbót væri að ræða sem mætti ekki bíða. Sagði hann að stjórnmálamenn ættu fyrst og fremst eiga að sæta pólitískri ábyrgð í kosningum. Hann segir að draga verði lærdóm af landsdómsmálinu gegn Geir H. Haarde og læra af þeim mistökum með því að breyta lögunum.