Lögreglumaðurinn sendur í leyfi
Setja bókamerki
Ríkislögreglustjóri hefur mælst til þess við lögreglustjóra höfuðborgarsvæðisins að lögreglumaður sem myndaður var við handtöku í miðborg Reykjavíkur verði leystur undan vinnuskyldu á meðan ríkissaksóknari skoðar málið.
Eins og kom fram á mbl.is í morgun vísaði lögreglustjóri málinu til ríkissaksóknara til rannsóknar, en samkvæmt 35. gr. lögreglulaga nr. 90/1996 fer ríkissaksóknari með rannsókn mála vegna ætlaðra brota lögreglumanna við framkvæmd starfa þeirra.
Málið kom upp í gærkvöldi þegar myndband af handtökunni var sett inn á samfélagsvefinn Facebook. Á henni má sjá lögreglumann handtaka konu í miðborg Reykjavíkur. Þykir mörgum sem lögreglumaðurinn hafi beitt konuna harðræði.
Umboðsmaður óskar eftir gögnum
Settur umboðsmaður Alþingis hefur ritað lögreglustjóranum á höfuðborgarsvæðinu bréf vegna handtökunnar en í því óskar hann eftir öllum gögnum sem liggja fyrir um handtökuna. „Ég óska í öðru lagi eftir upplýsingum um hvaða ferill innan embættisins fari í gang þegar atvik af þessu tagi koma upp. Í því samhengi óska ég eftir upplýsingum um hve oft á undanförnum fimm árum hafi komið upp atvik hjá embætti yðar þar sem reynir á álitaefni um hvort lögreglumenn hafi gengið of hart fram við handtöku og þá hvernig úr slíkum málum hafi verið leyst.“
Bréf setts umboðsmanns Alþingis til lögreglustjórans á höfuðborgarsvæðinu er svohljóðandi:
„Með vísan til framangreinds óska ég þess, sbr. 5. og 7. gr. laga nr. 85/1997 um umboðsmann Alþingis, að mér verði í fyrsta lagi afhent öll gögn sem liggja fyrir um atvikið um liðna helgi sem sést á umræddu myndskeiði. Ég óska í öðru lagi eftir upplýsingum um hvaða ferill innan embættisins fari í gang þegar atvik af þessu tagi koma upp. Í því samhengi óska ég eftir upplýsingum um hve oft á undanförnum fimm árum hafi komið upp atvik hjá embætti yðar þar sem reynir á álitaefni um hvort lögreglumenn hafi gengið of hart fram við handtöku og þá hvernig úr slíkum málum hafi verið leyst. Loks óska ég þess að í svari við erindi þessu, auk erindis míns frá 27. júní sl., verði tekin afstaða til þess hvort og þá hvernig aðgerðir lögreglumanna í þessum tilvikum hafi samrýmst þeim verklagsreglum sem lagðar eru til grundvallar í störfum embættis yðar.
Ég óska þess að umbeðin gögn og svör berist mér ekki síðar en 24. júlí nk.“
„Tíminn er runninn út fyrir Kristján Loftsson“
Benda á Samgöngustofu sem bendir út í heim
Stóraukið fé til samgöngusáttmála
Fjárfestingin 115 milljarðar króna
„Þögnin er ærandi“
„Það er skiljanlegt að þolinmæði þeirra sé lítil“
Hafa samþykkt kaup fyrir um 9,2 milljarða
Kvikan virðist nú skiptast til helminga