Segir viðhorf Jóns Gnarr barnalegt

Hinsegin dagar á Íslandi.
Hinsegin dagar á Íslandi. mbl.is/Ómar Óskarsson

Bréf til Moskvu þess efnis að Reykjavík vilji slíta stjórnmála- og menningarsamstarfi höfuðborganna tveggja mun væntanlega lenda beint ofan í skúffu og því ekki gagnast mannréttindabaráttu samkynhneigðra þar í landi á nokkurn hátt, þó svo að það gæti vakið athygli hér innanlands. Þetta segir Júlíus Vífill Ingvarsson, oddviti Sjálfstæðisflokksins í Reykjavík, en á fundi borgarráðs næstkomandi fimmtudag verður tekin fyrir tillaga Jóns Gnarr borgarstjóra um að slíta þessu vinasambandi borganna.

Barnalegt viðhorf

„Það er barnalegt að halda að samskipti við aðrar þjóðir á alþjóðavettvangi feli í sér eitthvert samþykki á þeirra stefnu í mannréttindamálum. Við erum í samskiptum við margar þjóðir þar sem við lítum svo á að mannréttindi séu brotin,“ segir Júlíus Vífill og vísar þar meðal annars til sendiráðs Íslands í Kína. „Við erum ekki með því að lýsa yfir neinum stuðningi á þessu sviði við stefnu stjórnvalda eða stjórnkerfa almennt,“ bætir hann við og bendir á að næstkomandi haust muni Reykjavíkurborg taka þátt í hátíðarhöldum í tilefni þess að Ísland hefur átt í stjórnmálasamskiptum við Rússland, og áður Sovétríkin, í samfleytt sjötíu ár. Þá bendir hann á að með þátttöku á alþjóðavettvangi eru borgaryfirvöld í samskiptum við erlenda ráðamenn og geti því komið á framfæri athugasemdum og mótmælum vegna mannréttindabrota.

„Ég held að við eigum þá einlæglega að styðja við bakið á samkynhneigðum og transfólki í Rússlandi í þeirra baráttu og við gætum t.d. boðið þeim að koma til Íslands og taka þátt í Gay Pride-göngunni sem verður hér í næsta mánuði,“ segir Júlíus Vífill sem telur að slíkt gæti gert þeim kleift að koma sínum sjónarmiðum á framfæri við til dæmis alþjóðlega fjölmiðla sem viðstaddir verða hátíðarhöldin og þar með gætu borgaryfirvöld orðið þeim að einhverju liði. 

Frétt mbl.is: Reykjavíku slíti sambandi við Moskvu

Júlíus Vífill Ingvarsson.
Júlíus Vífill Ingvarsson. mbl.is/Ómar Óskarsson
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »