Goðafoss lagðist að bryggju í Þórshöfn í Færeyjum um klukkan þrjú í nótt, að sögn Ólafs W. Hand, upplýsingafulltrúa Eimskips. Verða skemmdir skoðaðar í kjölfar elds sem varð laus í skipinu á hafinu á milli Íslands og Færeyja í fyrrinótt.

Að sögn Ólafs gekk ferðin vel miðað við aðstæður. Aftakaveður var á siglingaleið og því var ákveðið að snúa skipinu til Færeyja, en öryggi áhafnar hafi skipt öllu máli.

„Núna í morgunsárið munu viðgerðarmenn fara um boð, kanna hvað gerðist og lagfæra það sem þarf,“ sagði Ólafur í samtali við mbl.is.

Óljóst er hversu langan tíma viðgerðin tekur. Taki hún mjög langan tíma verða gerðar ráðstafanir til að umskipa farminum og koma honum þannig með öðru skipi til Íslands.

Tengdar fréttir

Goðafoss

Eldstrókur stóð upp úr strompinum

• Heiðruð fyrir hetjulega framgöngu
• Annað skip tekur farm Goðafoss
• Skemmdir skoðaðar í Færeyjum
• Loftmyndir af Goðafossi

» Fleiri tengdar fréttir

• 1 blogg um fréttina

Bloggað um fréttina

• Valdimar Samúelsson: Er Ísland ekki með björgunar samninga við önnur lönd.??? Færeyjar …