Kampavínsklúbburinn Strawberries í Lækjargötu var opnaður aftur á laugardagskvöld. Þetta kom fram í kvöldfréttum Rúv. Strawberries hefur verið lokaður síðan lögregla greip til aðgerða þar aðfaranótt 26. október.

Fimm voru handteknir í aðgerðum lögreglu og úrskurðaðir í gæsluvarðhald í kjölfarið, grunaðir um ætlaða sölu og milligöngu vændis. Þeirra á meðal var eigandi staðarins, sem sat í gæsluvarðhaldi í um tvær vikur.

Fram kom í kvöldfréttum Rúv að lögreglan hafi kyrrsett eignir að andvirði tuga milljóna króna vegna rannsóknarmálsins. Staðurinn hefur enn gilt rekstrarleyfi og var opnaður á ný á laugardagskvöld, en lögregla hefur engu að síður farið fram á að staðnum verði lokað vegna brota á lögum um rekstur veitingahúsa.

Tengdar fréttir

Strawberries

Félagið á bak við Strawberries eignalaust

• Skilorð og risasekt í Strawberries-máli
• Vita ekki hvað varð um munina
• Misst öll tengsl við fjölskyldu og vini
• Lögðu milljónir inn á reikning eiganda

» Fleiri tengdar fréttir

• Blogga um frétt