Innlent | mbl | 3.12.2013 | 8:19

Íbúð byssumannsins

Teikning af íbúð mannsins. Gluggar voru brotnir bæði í svefnherberginu og eldhúsinu.

Í aðgerðum lögreglunnar við fjölbýlishúsið í Hraunbæ í gær þar sem maður vopnaður byssu hélt sig, var gassprengjum skotið inn um tvo glugga íbúðar mannsins. Rúður brotnuðu bæði í svefnherbergi mannsins og eldhúsi samkvæmt meðfylgjandi teikningu. Sérsveitarmenn skutu síðar manninn og lést hann af sárum sínum á sjúkrahúsi skömmu síðar.

Einn nágranni mannsins lýsti því fyrir mbl.is í gær á meðan umsátri lögreglu stóð yfir, að hann sæi manninn liggja uppi í rúmi svefnherbergisins með byssuna. Sá nágranninn hlaup hennar vel.

Ástæða þess að lögreglan skaut gassprengjum inn í íbúðina var sú að hún taldi að íbúar í nágrenninu og lögreglumenn væru í hættu og gerði því tilraun til þess að yfirbuga manninn með þessari aðgerð.

Hér má sjá atburðarás málsins í fyrrinótt:

Um kl. hálf eitt:

Nágranni manns í íbúð við Hraunbæ vaknar við gelt í hundi sínum og tengir það við að fyrsta skotinu hafi verið hleypt af.

Um kl. 3:

Lögreglu tilkynnt um háværa hvelli frá íbúðinni.
Almennir lögreglumenn sendir á staðinn til að kanna málið. Sérsveitarmenn eru þeim til aðstoðar.
Lögreglan opnar hurðina inn í íbúð mannsins þegar hann svarar þeim ekki.
Maðurinn skýtur með haglabyssu á sérsveitarmenn sem ætluðu að kalla inn í íbúðina. Skotið lendir í skildi sérsveitarmanns sem kastast aftur á bak og niður stiga og rotast.

Um kl. 5:

Lögregla dregur sig til baka og kallar eftir liðsstyrk.
Íbúðir í stigaganginum rýmdar.
Sjúkrabílar kallaðir á vettvang.

Um kl. 6:

Enn næst ekki samband við manninn.
Lögreglan reynir að yfirbuga hann með því að skjóta gashylkjum inn um glugga íbúðarinnar.
Maðurinn skýtur margsinnis út um glugga.
Sérsveitarmenn fara inn.
Maðurinn skýtur nokkrum skotum að þeim. Hittir í hjálmklætt höfuð sérsveitarmanns.
Sérsveitarmenn skjóta manninn og særa.
Lögreglumenn hefja lífsbjargandi aðgerðir og bráðatæknar úr sjúkrabílum eru kallaðir til.
Maðurinn fluttur á sjúkrahús þar sem hann er úrskurðaður látinn.

Um kl. 7: