Lásasmiðurinn sem fenginn var til að opna læsingu á hurð Sævars Rafns Jónassonar sem skaut að lögreglu í Árbæ á mánudag var í stórhættu við starf sitt. Hann stóð fyrir framan hurðina óvarinn. Eftir að hann opnaði dyrnar steig hann til hliðar og hleypti Sævar Rafn þá af haglabyssu sinni í áttina að lögreglumönnum.

Þetta kom fram í sjónvarpsfréttum Ríkisútvarpsins í kvöld. Þá kom fram að útkallið hefði verið hefðbundið og ekkert minnst á að mögulega væri vopnaður maður í íbúðinni. Um tuttugu mínútur tók fyrir lásasmiðinn að komast inn í íbúðina.

Lásasmiðurinn hefur ekki mætt til vinnu eftir þetta og hefur þegið áfallahjálp.

Enn unnið á vettvangi í dag

Eins og komið hefur fram lést maðurinn af völdum skotsára sem hann hlaut eftir skotbardaga við sérsveitarmenn. Starfsmenn tæknideildar lögreglunnar á höfuðborgarsvæðinu unnu enn á vettvangi í dag og eins og sjá má á meðfylgjandi myndum eru mikil ummerki eftir skotbardagann í stigagangi fjölbýlishússins.

Í gær höfðu ekki allir íbúar fjölbýlishússins snúið aftur til íbúða sinna.

Tengdar fréttir

Umsátur í Árbæjarhverfi

Hæstiréttur samþykkir beiðni sérsveitarmanns

• Segjast ekki hafa hafnað Sævari
• Hafnaði geðsvið nauðungarvistun?
• Skoða virkara eftirlit með lögreglu
• „Hvítþvottur saksóknara“

» Fleiri tengdar fréttir

• Blogga um frétt