Lögreglunni á höfuðborgarsvæðinu hafa borist allnokkrar ábendingar um hver kynni að hafa sent neyðarkall sem barst 2. febrúar síðastliðinn og leiddi til afar umfangsmikillar leitar á Faxaflóa. Neyðarkallið var birt á vefnum og nú er verið að safna saman þeim ábendingum sem borist hafa og í framhaldinu verður unnið úr þeim.

Þetta segir Kristján Ó. Guðnason, aðstoðaryfirlögregluþjónn hjá lögreglunni á höfuðborgarsvæðinu. Að sögn Kristjáns berast ábendingarnar símleiðis, með tölvupósti og í gegnum Facebook. Ekki hefur verið tekið saman hversu margar ábendingar hafa borist, en fljótlega verður hafist handa við að vinna úr þeim.

Í umræddu neyðarkalli, sem birt er á Facebook-síðu lögreglunnar á höfuðborgarsvæðinu, segir meðal annars:  „Báturinn er farinn að leka mikið og við erum að fara í flotgallana.” 

Tengdar fréttir

Leit á Faxaflóa

Málið enn í rannsókn

• Fá ábendingar vegna neyðarkalls
• Birta upptöku af neyðarkalli
• Úr litlu að moða við rannsókn
• Lögregla rannsakar mögulegt gabb

» Fleiri tengdar fréttir

• 1 blogg um fréttina

Bloggað um fréttina

• Jón Snæbjörnsson: ... hann næst svo mikið tel ég öruggt !