Áfrýjunardómstóll í Tékklandi hefur mildað dóm yfir tveimur íslenskum konum sem sakfelldar voru fyrir að smygla rúmum þremur kílóum af hreinu kókaíni til landsins. Þær voru teknar með kókaínið á alþjóðaflugvellinum í Prag. Í stað sjö og sjö og hálfs árs fangelsis voru þær dæmdar í fjögurra og hálfs árs fangelsi.

Stúlkurnar, sem eru 19 ára gamlar, voru handteknar á Vaclav Havel-flugvellinum í Prag, höfuðborg Tékklands, hinn 7. nóvember 2012 eftir að kókaín fannst í fórum þeirra. Þær komu til landsins frá Sao Paulo í Brasilíu, en millilentu í München í Þýskalandi.

Kókaínið, sem var um 89% sterkt, var vandlega falið inni í fóðri tösku og kom fram í fyrstu fréttum að handtakan væri afrakstur samvinnu tékkneskra og þýskra yfirvalda. Málið hefur einnig verið unnið með íslenskum og dönskum lögregluyfirvöldum.

Stúlkurnar þurfa að afplána tvo þriðju hluta dómsins.

Tengdar fréttir

Dæmdar fyrir kókaínsmygl í Tékklandi

Stúlkurnar komnar til Íslands

• Hafa ekki tekið afstöðu til framsals
• Formlega sótt um framsal
• Framsalsferlið sjálft ekki hafið
• Safnar peningum fyrir frænku í fangelsi

» Fleiri tengdar fréttir

• Blogga um frétt