Verktaki, sem hyggst reisa 100 herbergja lúxushótel á Hverfisgötu 103, undrast þá niðurstöðu umhverfis- og skipulagsráðs Reykjavíkurborgar að byggingin standist ekki kröfur um útlit og yfirbragð og taki ekki mið af sérkennum svæðisins í kring.
Verktakinn segir í umfjöllun um mál þetta í Morgunblaðinu í dag, að þar sem byggingarnar á svæðinu séu lítið augnayndi hafi ekki staðið til að nýja húsið líktist þeim, heldur hafi það þvert á móti átt að fegra umhverfið.