Icelandair hefur fellt niður 11 ferðir félagsins á morgun, sunnudag 11. maí, vegna verkfallsaðgerða flugmanna. Icelandair hafði áður fellt niður 30 ferðir í gær vegna þeirra.

„Skæruaðgerðir flugmanna hafa valdið verulegri seinkun á flugi Icelandair í dag og vegna þeirra er ljóst að fella verður niður 11 flugferðir félagsins á morgun. Það er flug til og frá Glasgow (FI430/FI431), Kaupmannahöfn (FI204/FI205) Helsinki (FI342/FI343), Amsterdam (FI502/503), London Heathrow (FI450/FI451) og Bergen/Stavanger (FI338).

Vegna aðgerða flugmanna má búast við frekari röskun á flugi og að einstök flug þurfi að fella niður með skömmum fyrirvara,“ segir í fréttatilkynningu frá Icelandair.

Icelandair mun eftir fremsta megni reyna að leysa úr þeim vanda sem niðurfelling flugsins skapar viðskiptavinum m.a. með því að flytja þá yfir á flug annarra flugfélaga eins og hægt er, einnig að færa farþega á aðrar ferðir Icelandair til og frá þessum áfangastöðum ef það er unnt eða breyta farmiðum með öðrum hætti. Þeir sem hætta við ferð sína munu fá endurgreitt. Nánari upplýsingar eru á Icelandair.is.

„Um leið og við biðjum viðskiptavini velvirðingar á þessari röskun þá vil ég koma á framfæri þakklæti til þeirra fyrir þann skilning og þolinmæði sem þeir sýna við erfiðar aðstæður,“  segir Guðjón Arngrímsson, upplýsingafulltrúi Icelandair.

Tengdar fréttir

Kjaradeilur í fluggeiranum

Segja Bláfugl og SA brjóta á kjarasamningum

• Erfiðir samningar en ánægður með báða aðila
• Vinnustöðvun flugumferðarstjóra aflýst
• Enn stefnir í vinnustöðvun á þriðjudaginn
• Boðað til sáttafundar á morgun

» Fleiri tengdar fréttir

• Blogga um frétt