Fasteignamat hækkar enn

Dæmi eru um að fasteignamat á einstökum eignum á höfuðborgarsvæðinu hækki um 15% á milli ára.

Á vef Þjóðskrár má finna nýtt fasteignamat ríkisins fyrir árið 2015, en matið verður kynnt opinberlega síðar í vikunni.

Matið hækkaði um 4,3% í fyrra en samkvæmt athugun Morgunblaðsis verður hækkunin enn meiri í ár á þeim eignum sem kannaðar voru. Við skoðun á fasteignamati miðsvæðis í Reykjavík má sjá dæmi um að eignir í fjölbýli hækki um 14% á milli ára í Vesturbænum og í miðbæ borgarinnar. Raunar má sjá miklar hækkanir hvert sem litið er í Reykjavík, að því er fram kemur í Morgunblaðinu í dag.