Samninganefnd flugvirkja náði í dag samkomulagi við samninganefnd Samtaka atvinnulífsins um nýjan kjarasamning eftir ellefu tíma viðræður hjá Ríkissáttasemjara í dag. Samningurinn gildir til ágúst 2017 og verður hann kynntur félagsmönnum á mánudaginn. 

Samkomulag náðist stuttu fyrir klukkan 22 í kvöld. 

Maríus Sigurjónsson, formaður samninganefndarinnar segir samninginn fela í sér breytingar í átt að þeim kröfum sem flugvirkjar hafa barist fyrir. „Þetta felur í sér breytingar á vinnufyrirkomulagi og vöktum. Þetta er í átt til hagræðis og nútímavæðingar á vinnulagi.“

Hann segist bjartsýnn á að félagsmenn muni samþykkja samninginn. 

Tengdar fréttir

Kjaradeilur í fluggeiranum

Segja Bláfugl og SA brjóta á kjarasamningum

• Erfiðir samningar en ánægður með báða aðila
• Vinnustöðvun flugumferðarstjóra aflýst
• Enn stefnir í vinnustöðvun á þriðjudaginn
• Boðað til sáttafundar á morgun

» Fleiri tengdar fréttir

• Blogga um frétt