„Forystan hefur fallið á siðferðilegu prófi og niðurstaða miðstjórnarfundarins sýnir að flokkurinn styður þann málsstað sem settur var fram í borgarstjórnarkosningunum.“ Þetta segir Hreiðar Eiríksson sem skipaði 5. sæti á lista Framsóknar og flugvallarvina í borgarstjórnarkosningunum í vor. 

Hreiðar birti pistil á Facebooksíðu sinni nú áðan þar sem hann tjáði skoðun sína á viðbrögðum forystu Framsóknarflokksins við málflutningi framboðs Framsóknar og flugvallarvina í aðdraganda borgarstjórnarkosninganna í vor. „Viðbrögð formannsins og annarra forystumanna flokksins eftir kosninga hafa verið þannig að vart er hægt að skilja þau öðruvísi en fullan stuðning við íslamafóbískan áróður Framsóknar og flugvallarvina,“ skrifar Hreiðar. 

Þá segir hann að á miðstjórnarfundi flokksins sem haldinn var föstudaginn 11. júní, hafi forystan verið með útúrsnúninga og rangfærslur, í því skyni að réttlæta hegðun framboðsins í Reykjavík. Segir hann þær tilraunir forystunnar vera klaufalegar og ósannfærandi.

„Sú gleði sem ég fann til að vinna að því, sem ég taldi hugsjónir Framsóknarflokksins, hefur vikið fyrir vonbrigðum og skömm. Ég hef því sagt mig úr Framsóknarflokknum,“ skrifar Hreiðar að lokum. 

Af Facebooksíðu Hreiðars. Mynd/Facebook

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 4 blogg um fréttina

Bloggað um fréttina

• Júlíus Már Baldursson: Og hann er líka farinn.
• Óðinn Þórisson: Á að byggja Mosku í Reykjavík ?
• Kristinn Snævar Jónsson: Á harðahlaupum frá ábyrgri samfélagsumræðu
• Jón Ingi Cæsarsson: Róm brennur en númer eitt spilar á hörpu.