Hanna Birna: Beitti ekki þrýstingi
Setja bókamerki
„Aðdróttanir DV eru þess eðlis að ég tel það farsælt að umboðsmaður Alþingis fari yfir málið og geri ég engar athugasemdir við spurningar hans,“ segir Hanna Birna Kristjánsdóttir, innanríkisráðherra.
Tryggvi Gunnarsson, umboðsmaður Alþingis, ritaði í dag Hönnu Birnu Kristjánsdóttur bréf með ósk eftir tilteknum upplýsingum um samskipti hennar við Stefán Eiríksson, lögreglustjóra á höfuðborgarsvæðinu, vegna lögreglurannsóknar sem embætti hans vann að og beindist að meðferð trúnaðarupplýsinga í innanríkisráðuneytinu.
Hanna Birna segist hafa móttekið bréfið og muni svara spurningum umboðsmanns fyrir helgi.
Hún segist enga aðkomu hafa átt að ákvörðun lögreglustjóra um að skipta um starfsvettvang og hvorki beitt hann þrýstingi eða haft óeðlileg afskipti af einstökum málum sem eru eða hafa verið til meðferðar hjá lögreglu.
Í skriflegu svari segist hún ásamt öllum starfsmönnum ráðuneytisins hafa sýnt fullan samstarfsvilja við rannsókn málsins á öllum stigum enda hafi það verið rannsakað ítarlega. Þá segist hún ekki ætla að tjá sig frekar um málið fyrr en niðurstaða liggur fyrir.
DV fullyrti í gær að Stefán Eiríksson hefði hætt störfum sem lögreglustjóri vegna afskipta Hönnu Birnu af rannsókninni á lekanum úr innanríkisráðuneytinu. Sjálfur hefur Stefán ekki viljað tjá sig um málið að öðru leyti en því að hann hafi ekki hætt vegna þrýstings, eins og hann sagði í samtali við mbl.is. Hann hefur hinsvegar ekki viljað segja af eða á um það hvort innanríkisráðherra hafi haft afskipti af rannsókninni.
Veiting hvalveiðileyfis ekki brot á EES-samningi
Hernaðaraðstoð samþykkt – Vopnasendingar í vikunni
„Á réttri leið en nokkuð í land ennþá“
„Hvílir mikil leynd yfir þessu öllu“
„Skýr skilaboð til Seðlabankans“
„Okkur miðar í rétta átt“
Skemmtiferðaskip hætt komið nærri Viðey
Eyjafjarðarbraut lokað vegna alvarlegs umferðarslyss