Sakar yfirdýralækni um skítkast

Meðalkúabú á Íslandi telur ekki nema um 40 kýr.
Meðalkúabú á Íslandi telur ekki nema um 40 kýr. mbl.is/Eggert Jóhannesson

Guðrún Lárusdóttir, varamaður í stjórn Landssambands kúabænda, segir að yfirdýralæknir og fréttastofa Rúv hafi tekið höndum saman um að „kasta skít í íslenskan landbúnað“ og kúabændur með frétt sem flutt var í síðustu viku um að hluti íslenskra mjólkurbænda hafi brotið reglur um mjólkurbása í áratugi.

Í leiðara Guðrúnar á vefnum naut.is kemur fram sú skoðun hennar að ómaklega sé vegið að kúabændum, því síðustu 20 ár hafi bylting orðið í aðbúnaði mjólkurkúa á Íslandi.

„Stórfurðuleg vinnubrögð“

Rúv sagði frá því þann 27. júlí að í mörgum básafjósum á Íslandi geti kýr ekki hreyft sig nóg þar sem básar séu of stuttir og slár of lágar. Þetta gangi í berhögg við ákvæði reglugerðar sem gilt hafi í áratugi. Sigurborg Daðadóttir, yfirdýralæknir, sagði þá í samtali við fréttastofu Rúv að ekki lægi fyrir hve mörg fjós brjóti reglur en með nýjum dýravelferðarlögum hafi Matvælastofnun fjölmörg úrræði til að þvinga þá sem ekki fara eftir lögum til að breyta rétt.

„Bændum verður bara að lærast jafnt og þétt að þeir verða að fara eftir lögum og við munum beita þeim úrræðum sem við höfum [...] Það eru breyttir tímar, nú verður gengið á eftir hlutunum,“ sagði yfirdýralæknir m.a. í samtali við Rúv.

Guðrún, sem sjálf er kúabóndi í Keldudal í Skagafirði, segir í leiðara Naut.is í dag að með þessu gangi yfirdýralæknir í lið með Rúv og markmiðið virðist vera að kasta skít í íslenskan landbúnað. „Öllu er tjaldað til og skiptir ekki máli hvort satt er eða logið,“ segir Guðrún.

„Sé svo að bændur hafi komist upp með það um áratuga skeið að brjóta landbúnaðarreglur þá hljóta eftirlitsaðilar að þurfa að líta hraustlega í eigin barm. Það eru að minnsta kosti stórfurðuleg vinnubrögð hjá yfirdýralækni, að hóta bændum í fjölmiðlum í stað þess að vinna með bændastéttinni að úrbótum og beita þeim þvingunarúrræðum sem tiltæk eru ef einstakir bændur sinna ekki sínum skyldum,“ segir Guðrún.

Lausagöngufjós kosti lágmark 150 milljónir

Sjálf segist hún þeirrar  skoðunar að algjör bylting hafi orðið í aðbúnaði mjólkurkúa á Íslandi. Hún bendir á árið 1993 hafi aðeins 3,6% fjósa hér á landi verið lausagöngufjós, en árið 2013 hafi hlutfall lausagöngufjósa verið 38,6% og í þeim voru um 56% mjólkurinnar framleidd, skv. nýlegri samantekt Landssambands kúabænda.

Á aðeins 20 ára tímabili hefur því orðið bylting í aðbúnaði mjólkurkúa á Íslandi, enda leikur ekki vafi á því að betur fer um kýr sem valsað geta um í lausagöngufjósum heldur en þær sem bundnar eru á bás vetrarlangt. Byggður hefur verið fjöldi nýrra fjósa og mörgum eldri fjósum verið breytt í lausagöngufjós þar sem kýrnar eru ýmist mjólkaðar með mjaltaþjóni (róbót) eða í mjaltabás. Bændur hafa því lagt í gríðarlegar fjárfestingar því ekki er nóg að byggja og bæta, einnig hafa bændur þurft að kaupa greiðslumark dýru verði,“ segir Guðrún.

Samhliða þessu hafi kúabúum fækkað, búin hafi stækkað og þannig náðst fram nokkur hagræðing í mjólkurframleiðslunni. „Meðalkúabú á Íslandi telur þó ekki nema um 40 kýr og má því furðu sæta þegar fréttamenn og bloggarar tala um verksmiðjubú. Stærsta kúabúið á Íslandi nær ekki einu sinni meðalbúi í Danmörku og einungis á um 12 búum eru fleiri en 100 kýr,“ segir Guðrún.

Hún bætir við að nýtt 60-70 kúa lausagöngufjós með haughúsi, uppeldisaðstöðu og nauðsynlegum tækjabúnaði kosti vart undir 150 milljónum, að kvóta frátöldum. „Það þarf því góðan skammt af bjartsýni og stórhug til að ráðast í slíkar framkvæmdir og því viðbúið að mjólk verði framleidd í básafjósum enn um sinn, enda ekkert sem bannar slíkt í núgildandi reglugerð.“

Tæp 40% fjósa hér á landi eru lausagöngufjós en það ...
Tæp 40% fjósa hér á landi eru lausagöngufjós en það er dýrt að koma upp slíkri aðstöðu. mbl.is/Golli
Á íslandi hafa kýr staðið á básum frá landnámi, en ...
Á íslandi hafa kýr staðið á básum frá landnámi, en eru eflaust stærri nú en á fyrstu öldum Íslandsbyggðar. mbl.is/Styrmir Kári
mbl.is

Innlent »

Óvissustigi lýst yfir suðvestanlands

15:28 Óvissustigi hefur verið lýst yfir á Sandskeiði, Hellisheiði og í Þrengslum en gul viðvör­un gild­ir fyr­ir höfuðborg­ar­svæðið, Suður­land og Faxa­flóa í dag. Meira »

Eldaði fyrir Bayern München

14:00 Það er ekki hver sem er sem fær að elda ofan í þýska fótboltaliðið Bayern München. Það fékk þó íslensk-þýski kokkurinn Daníel Rittweger að gera eftir að hafa sigrað í matreiðslukeppni. Daníel, sem útskrifaðist í síðustu viku úr náminu, starfar nú á sínum öðrum Michelin-stjörnu-veitingastað. Meira »

Siðmennt styður bann við umskurði drengja

13:47 Siðmennt, félag siðrænna húmanista á Íslandi, hvetur Alþingi til þess að samþykkja frumvarp um bann við umskurði drengja. Meira »

Viðvörun gildir fyrir allt landið

13:28 Veðurstofa Íslands hefur gefið út gula veðurviðvörun fyrir allt landið á miðvikudag en spáin í dag gerir ráð fyrir suðaustanstormi og er spáð að það fari í 35 metra á sekúndu í hviðum á Kjalarnesi, undir Hafnarfjalli og undir Eyjafjöllum. Meira »

Gullleitarmaðurinn Eldur

12:14 Nafnið passar vel við þennan unga mann; Eldur Ólafsson er jarðfræðingur með brennandi áhuga á auðlindum og viðskiptum. Eftir jarðhitavinnu í Kína beinir Eldur nú sjónum að Grænlandi. Þar er fókusinn á gullgreftri. Meira »

Spáð 35 m/s í hviðum

12:12 Veðrið er farið að versna en það hvessir af austri síðdegis í dag með snjókomu og skafrenningi á fjallvegum sunnan- og suðvestanlands en rigningu á láglendi. Meira »

„Langar ekki að svara þessum spurningum“

11:38 Helgi Hrafn Gunnarsson, þingmaður Pírata, telur að það sé öllum þingmönnum hollt að gera ráð fyrir að allt sem þeir gera sé opinbert. Þetta er meðal þess sem kom fram í máli hans í Silfrinu á Rúv í dag þar sem hann var gestur ásamt þremur öðrum þingmönnum. Meira »

Akstursreikningar yfirfarnir af fjármálaskrifstofu

11:51 Vigdís Hauksdóttir, fyrrverandi þingmaður, segir að allir reikningar sem þingmenn skili í þingið séu yfirfarnir af fjármálaskrifstofu þingsins til samþykktar eða synjunar og ef þeir eru samþykktir fá þingmenn greitt. Aksturpeningar voru ræddir á Sprengisandi í morgun. Meira »

Útboð á færslu Hamraneslína úr byggð

11:06 Landsnet hefur auglýst útboð á fyrsta áfanga við færslu Hamraneslína úr byggð í Hafnarfirði. Ásamt færslu Ísallína frá íbúðabyggð. Meira »

Dregur úr skjálftavirkni við Grímsey

10:51 Heldur hefur dregið úr skjálftavirkni við Grímsey síðasta hálfa sólarhring. Samkvæmt upplýsingum frá Veðurstofu Íslands hafa mælst um 170 skjálftar á svæðinu það sem af er degi. Á síma tíma í gær höfðu um 400 skjálftar mælst á svæðinu. Meira »

Leggst gegn því að umskurður verði refsiverður

09:28 Agnes M. Sigurðardóttir, biskup Íslands, leggst gegn því að umskurn á drengjum verði gerð refsiverð með breytingum á hegningarlögum. Hún segir að hætta sé á að gyðingdómur og íslam verði gerð að glæpsamlegum trúarbrögðum og einstaklingar sem aðhyllast þau verði bannaðir hér á landi eða óvelkomnir. Meira »

Lokuðu skemmtistað

08:55 Skemmtistað í efri byggðum Reykjavíkur var lokað í nótt þar sem nokkrir gesta staðarins voru undir aldri. Þetta ekki í fyrsta skipti sem lögregla grípur til þessara aðgerða gagnvart umræddum stað, segir í dagbók lögreglunnar á höfuðborgarsvæðinu en mikill erill var í nótt og fangageymslur nánast fullar.   Meira »

Stefnir í góðan dag í Hlíðarfjalli

08:44 Forsvarsmenn skíðasvæðisins í Hlíðarfjalli segja að það stefni í góðan dag í fjallinu en um tvö þúsund manns voru á skíðum þar í gær. Lokað verður í Bláfjöllum en opið í Skálafelli. Meira »

„Ég man ekki hvernig hann hlær“

08:07 Hann er sextán ára gamall þegar hann byrjaði að fikta við kannabis með vinum sínum. Hann er á þrítugsaldri í dag og hefur verið í mikilli neyslu undanfarin ár en átt mjög góð tímabil á milli. Móðir segir hann ekki sama mann og hann var og gleðin sé horfin. Hún muni ekki lengur hvernig hlátur hans hljómi. Meira »

Eldur kviknaði í Straumsvík

06:51 Eldur kviknaði í köplum í álverinu í Straumsvík í nótt. Slökkvilið álversins slökkti eldinn en slökkvilið höfuðborgarsvæðisins er með reykkafara á svæðinu sem eru að kanna hvort nokkurs staðar leynist glóð. Meira »

Hálka og þæfingur

08:14 Hálkublettir eru á höfuðborgarsvæðinu og á Reykjanesbraut en á Suðurlandi er hálka eða snjóþekja á vegum. Þæfingur er austan við Hellu að Ásmundarstöðum. Skafrenningur og éljagangur er á Hellisheiði og Sandskeiði. Meira »

66 ára og líður ekki degi eldri en 39 ára

07:30 Birna Guðmundsdóttir hefur stundað íþróttir allt sitt líf og helgað íþróttakennslu krafta sína. Árið 2014 hætti hún kennslu í Flataskóla sökum aldurs. Nú þjálfar Birna ýmsa líkamsræktarhópa allt frá ungbörnum til fullorðinna í Mýrinni og Sjálandslaug. Meira »

Skafrenningur á Hellisheiði

06:44 Hálkublettir eru á höfuðborgarsvæðinu og á Reykjanesbraut en á Suðurlandi er hálka eða snjóþekja á vegum. Skafrenningur og éljagangur er á Hellisheiði og Sandskeiði. Meira »
Chesterfield sófasett til sölu
Tignarlegt Chesterfield sófasett til sölu. Vel með farið. Í settinu fylgir þrigg...
Faglærðir málarar
Faglærðir málarar Tökum að okkur öll almenn málningarstörf. Tilboð eða tímavinna...
Volkswagen, Vw Transporter 2017 4x4
Dísel 4x4 sjöþrepa sjálfsk, Webasto hitari, klæddur að innan afturí , Verð 4890,...
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
 
Félagslíf
Staður og stund
Aflagrandi 40 Opin vinnustofa frá kl 9, ...
L helgafell 6018021419 iv/v
Félagsstarf
? HELGAFELL 6018011019 VI Mynd af au...
Samkoma
Félagsstarf
Söngsamkoma kl. 20 í Kristni- boðssalnu...
Úthlutun
Tilkynningar
Auglýsing vegna úthlutunar byggð...