Á fundi borgarráðs í dag fór fram kynning á greinargerð Reykjavíkurborgar um kjörsókn í nýliðnum borgarstjórnarkosningum eftir aldri, kyni og kjörstöðum. Er þetta í fyrsta sinn sem áreiðanlegar tölur um kjörsókn eftir aldri eru teknar saman á Íslandi.

Kjörsókn var 63% og hefur ekki verið minni síðan árið 1928. Helstu niðurstöður úr aldursgreiningunni voru þær að kjörsóknin var mest meðal eldra fólks, en undir heildarmeðaltali á aldursbilinu 18–39 ára. Konur kusu frekar en karlar. 18 ára kjósendur sem voru að kjósa í fyrsta sinn nýttu sér kosningaréttinn mun betur en þeir sem voru 19 ára og höfðu möguleika á að kjósa í annað sinn.

Ef kjósendum er skipt í 40 ára og yngri og 41 árs og eldri kemur í ljós að eldri kjósendur mættu mun betur á kjörstað. Hjá 40 ára og yngri var kjörsóknin 51,3% en 72% hjá 41 árs og eldri. Hlutfall 40 ára og yngri á kjörskrá var 44,1% en hlutfall atkvæða þess aldurshóps einungis 35,6%. Konur eldri en 80 ára mættu mun síður á kjörstað en karlar á sama aldri.

Nánari greiningu má nálgast á vef Reykjavíkurborgar.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• Blogga um frétt